panganan tradisional Kebumen

Meniran

                Indonesia pancen negara kang nduweni akeh budaya, bahasa , bahasa, lan panganan ciri khas saben daerah- daerah. Sapa sih, sing bisa ngitung lan nyebutna kabeh budaya, bahasa, lan panganan khase  daerah ing indonesia. Wis kewajibane dhewe supaya njaga lan tetep ngrawat budaya ing indonesia supaya anak cucu kita bisa ngrasakake sahengga tetep lestari. Lamun saiki wong- wong wis pada ngalih mangan panganan saking luar negeri, contone burger, spagetti, lan liya- liyane. Padahal panganan asli sekang indonesia justru luwih nyehatake lan luwih enak- enak.

                Salah satunggaling panganan tradisional yaiku meniran. Meniran iku panganan asli saka Jawa Tengah, tepate panganan tradisional Kebumen. Meniran kui digawe saka tepung beras kang dicampur karo parutan klapa lan tambahan nggo men ana rasane yaiku garem. Karna meniran kui pancen rasane mandan ana asin- asine, nanging ora ngenekake. Sawise kecampur, tambahna wedang umeb 6 gelas meng adonan mau lan diudek nganti rata kabeh. Ngudeke nganti adonane wis kalis utawa ora pliket. Lelanjutane yaiku bungkus adonan mau nggunakake godhong gedhang kang dibentuk kaya pincuk dhisit, sawise adonane wis dilebokna nang pincuk. Bentuk maneh godhong sing wis diisi supaya mengo hasil bentuke kaya piramida. Mbungkusi wis rampung langsung dikukus, suwine ngukuse kira- kira sejam. Pancen suwi, nanging mengko hasile enak lan muasake.

                Biayasane meniran kuwi digunakake ing acara- acara mantenan, tahlilan lan liya- liyane

Meniran kuwi bisa koktuku ing pasar- pasar tradisional. Umpamane ning pasar ambal, pasar kutowinangun lan liya- liyane. Bakule biyasane bukak sekang jam enem isuk nganti jam sewelas isuk. Menawi kepengin meniran nanging ora kepengin lunga- lunga. Maka ora perlu khawatir, karne saiki biyasane meniran didol ning bakul sayuran kang muter- muter ing desa- desa. Regane ora perlu larang- larang , cukup ngetokake dhuwit telungewu rupiah wis ulih limang meniran.

Lemet

Mesti jaman saiki wis pada ora ngerti apa kuwi lemet. Padahal lemet kuwi panganan kang rasane enak lan cukup kepenak nggawene. Lemet kuwi memang durung digawe panganan oleh- oleh ing kebumen. Marai sipate kang mukur bisa tahan sedina. Lemet kuwi asli panganan tradisional saka Kebumen lan biyasane digawe menawi arep ana acara utawa ana wong tuwo sing lagi kepingin lemet. Lemet ing pasar uga wis langka sing dodol, karna lemet kuwi nggawenen ora mbutuhake bahan- bahan lan alat- alat kang werna –werna.

Menawi arep nggawe lemet, pertamane siapna dhisit bahan utamane yaiku budin. Budin kuwi diparut. Lan klapa kang diparut. Supaya ana rasane, tambahna gula jawa kang diiris- iris supaya kepenak nglebokna nang adonane. Lelanjutane yaiku campur parutan klapa lan budin mau naganti rata supaya rasane bener- bener enak. Sawise kecampur bungkus adonan nganggo godhong gedhang lan isi adonan nganggo irisan gula jawa mau. Mbungkuse kuwi bisa nganggo bentu apa wae, nanging biyasane bentuke kuwi kaya bentuk tempe kang dibungkus nganggo godhong gedhang utawa bungkuse kuwi adonane kaya diseelimuti nganggo godhong geedhang. Rampung dibungkusi, kukus adonan kira- kira setengah jam. Yen wis ana mambu- mambu mateng bisa dientas lan bisa dirasakake.